今早去 7-11 買野，立到一本封面寫住類似話"肥姐揀相" 既封面。
八掛周刊既涼薄低俗情度，我相信唔洗多講，香港人都會好清楚，我都好明白理解，雖然覺得離譜，但係有人買有人賣，係咁架啦。
但係睇到果個封面時，立時覺得我已經到左容忍極限，覺得好悲哀，乜人真係鐘意睇呢D野架咩？
係，人係天性八掛，有時見到發生向別人身上既悲劇係會好想知下。但令我覺得悲哀既係，將"在生既人揀相"炒作，而且我估多數都係捕風捉影，D周刊就係覺得有市場，睇死香港人有咁涼薄同八掛，先夠膽死咁做。
細個睇電視，睇戲，有時會見到D搞笑劇話D人睇咸書，可能唔好意思掛？會用其他雜誌夾住D咸書來睇。
今時今日，八掛周刊既離譜，涼薄，低級情度，假如我鐘意睇果D八掛周刊既話，我會覺得好唔好意思，掉番轉用咸書來夾周刊都仲好過比人見到我睇果D八掛周刊。
睇亦舒既小說時，成日見到亦舒話，人既時間，用左響邊度，係睇得到既！
有時搭車會睇下女仔，有D賞心悅目，打扮整潔漂亮的女士行入車箱，會不其然望多兩眼。不過好多時會遇到反高潮，好多好優雅既靚女會估佢唔到地突然拎本周刊出來睇，呢個時候我會諗，我真係好興幸，我好興幸我老婆唔係佢咁樣 ~~~ 唔係真係幾靚都冇用~~~
