八折的士 與 經濟實驗

八折的士係乜野，對香港人來說，唔洗多解釋。

我今日聽商台網上重溫，聽到好似話近來想話立法禁止乘客議價，又話要投票決定又盛，令我反醒、重組一向對八折的既想法。

先聲明，小弟不是學術人士，雖喜愛經濟學，但這門知識，亦止於 中五程度 + 沒有系統的自學。以下有關經濟理論內容，雖然粗淺，但小弟都好難做到好嚴緊咁表達，大大概概咁啦，較為粗疏，見諒。

經濟學的供求理論有說：
A. 商品或服務價格自由浮動的話，會趨向一個均衡價格，這個價錢，一個願買，一個願賣，不願買的就會退出或不生產這個東東，覺得仲未夠平既人就會唔買，咁生產出來既野就會差不多 arm arm 好有人買曬，唔會過剩，又唔會太缺。

咁，假如唔係自由浮動，例如價格受到法例管制，好似的士咁，又點呢？

灰色字和主題沒大關係，可以不看
B. 無論你生產果樣野或提供既服務既成本幾貴幾平都好，政府唔準你買得貴過某個價錢，有兩個情況出現：
1. 假如政府訂既呢個價錢，低過市場本應因為自由交易而達致既均衡價格既話，會令好多人想平價買入果樣咁抵既野~~但係生產既人話，哇！邊有咁大隻蛤蜊隨街跳？你要我蝕本賣，我未做摺埋 唔做 law 咩 jack ？願意買既人所買既野，就多過願意生產既，做成求過於供。
2. 假如政府訂既呢個價錢，高過市場本應因為自由交易而達致既均衡價格既話，就即係同 A 一樣，個價錢係個市場自自然然走去果個位既，亦冇超個法例容許既上限，供求冇失衡。

C. 無論你生產果樣野或提供既服務既成本幾貴幾平都好，政府唔準你買得低過某個價錢，有兩個情況出現：
1. 假如政府訂既呢個價錢，高過市場本應因為自由交易而達致既均衡價格既話，生產既人就想做多 D 出來賣啦梗係，比本應賺既賺多D喎。但消費既人話，哇，又唔係唔買你果樣野會死人既，你要我買貴野？我未唔買，慳番D錢買第二D野 law，咩 jack ? 願意賣既，就多過願意買既人所買既野，做成供過於求。
2. 假如政府訂既呢個價錢，低過市場本應因為自由交易而達致既均衡價格既話，就即係同 A 一樣，個價錢係個市場自自然然走去果個位既，亦冇低個法例容許既上限，供求冇失衡。

以上既情況，向好多特例裡面係未必適用既，例如果樣野會上癮既野，投資品等等。同埋呢好似大部份理論一樣，有不足既地方，但可用既地方更多，大部份情況之下都可以解釋下經濟現像咁啦。

有興趣既老友，睇下中五教科書都作為第一步都可以架。

我想講既係，而家的士既情況，細佬我覺得係價格定得比均衡價格高，供過於求，而八折係市場自然調節達致既均衡價格，除非議價係犯法，會拉，唔係即係冇管製，冇管制即係價格自由浮動..就自然會去到一個均衡價格.

咁夠竟點浮法呢家下？~~~

之前試過有一段時間的士 六折，七折，八折，九折又或者冇折，遂步遂步走到今日既，大多數都係 八折既時 候，正好諳合供求理論所講，價格會遂步走向均衡，好有理由相信 八折就係供求理論所講既均衡價格。

喂好喇播，咁即係點浮法呢家下？~~~

試過六折既的士大佬頂唔順，就算有客都唔夠皮，就會提高少少價錢`~~先肯做，想再平既人亦都再搵唔到。貴過 八折又少左人搭喔，所以上上下，上到九折既大佬又會減少少，最後的士大佬同乘客到大概覺得 8 折係 ok 既~最後大圍都去到 8 折呢個 均衡價格~~

同向街市一樣，大家講價，你情我願，冇話講價果個師奶有問題，又冇話大賤賣果個菜檔啊嬸有問題。當然你有原則唔講價，唔減價亦得。我聽到收機音阿杜文澤講，做人有原則係好既，我好認同。有人有 唔減價唔講價 既原則，我好讚賞；又有人有 肯減價會講價 既原則，我亦讚賞，大家都有原則嘛。

我都明，的士大佬會話：喂細佬，你未以為讀幾個錢臭書就向度拋的半桶水既書包喎`~~~
總之而家就搵少左！搵少左，多多口水都冇用！以前好景一個月幾皮野，而家衰起上來一皮都未必有，仲話唔係 D 八折的做壞市？ 而家比佢地累到差咁遠，你搵番比番我牙？。

okok ~~咁好，咁我唔講咩理論勒，因為我真係半桶水，同埋好多對經濟經有研究既人都會好驚奇我連D咁顯淺既野都 law 出來長篇大論講....無謂勒~~

咁不如我分享下以下既個人經驗，冇理論架，亦唔係想說服邊個人D乜野，我剩係分享下我既處景 Jack，大家聽完有又或者冇新既諗法都唔奇，而我既經驗同反應係咪大部份人既經驗同反應？我估係，但係真係未求証過係咪大部份人都咁諗：

----------- A -----------
97 年 既再好耐以前，細佬我係一個裝修木工(又叫鬥木佬啊，三行佬啊咁)，未夠廿歲，加埋開夜，搵三皮野一個月都時常有。後尾貪得意，走左去讀書，98 年讀完大學勒，打左差唔多 10 年 所謂知識份子工勒~30當幾望 40 歲勒~ 人工點？三皮野？發夢無咁早~~ 未有耐到啦！
我覺得我可能係比其他 八折工人壓低人工，同 D 衰公司比 八折人工 害個 law。唔係點會越搵越少？天啊，我果三皮野去左邊啊？

----------- B -----------
之前我覺得搭的士好貴，就算年紀大勒，有時做野做得辛苦，因為唔捨得，去玩都唔肯搭的士既。
自從有八折的之後？有 D 少搭的士既朋友，叫我的士皇....我心情好，又或者心情差，唔超遠，就搭的士架勒。
你話冇 8 折我會唔會無 lala 由一個孤寒丙變的士皇？ 我搭又得，唔搭又得，搭就舒服D，唔搭就辛苦少少，冇 8 折我相信我唔會變的士皇勒。

----------- C -----------
我老婆日日番工都好辛苦，又唔夠訓，自從發現原來搭的士比既錢，可以合理咁換番多D睡眠時間，就每日搭一舊水咁上下的士返工 ~~
點解佢大人大姐，到成 30 幾歲人先無 lala 會突然發覺 比既錢換來既野係合理呢？未就係覺得價錢自已比得起 law 。

----------- D -----------
我唔係因為咁就覺得所有的士八折，又或者價格自由浮動，就會多D人搭的士，的士大佬就會搵多D，大家生活好 D。 雖然多人搭左呢就一定架勒，但錢比少左，可能最終的士大佬都係搵少左，未必係 so ~~ 邊樣著，我唔知。


---------- Paul 仔今日的重要反醒及重組 ---------

以上係吹下水分享下，字裡行間又有輕挑成份，唔 arm 聽唔好上心，有得罪大家見諒。

唔好以為我想搭平的士呢，就係咁向度唱自已檯戲，讚成 8 折的。

以下我講真既，拿我真係講真架，唔係講反話既!!! 亦係我今日反醒到而之前未想過既野。

你問我想唔想嚴勵禁制八折的？

我想禁制八折的！

點解？睇來蝕底我都肯制？

1. 因為我既求知慾，驅使我想做實驗，睇下書本上講既供求定律裡面，價格下限所帶來既後果，向香港的士行業適唔適用。如果你唔嚴禁，根本而家就係自由浮動，比較唔到有價格管制同冇價格管制既分別。

如果真係禁左八折的，的士大佬生活好左，就大概知到呢個理論唔適用向呢個情況，反之，如果差左既話，就應該適用。
咁你問我希望最後既實驗結果，係適用定唔適用呢？其實我乜都冇想，剩係想知開邊瓣 jack ...知識知識，知到、了解多一樣自已以前唔知既野，知識增長左就好開心架勒，知識唔係要來肯定自已既，知多D以前唔知既野又或者糾正到一D以住以為 arm 但其實又唔係好 arm 既野，係可喜可賀既事。

呢種想法，表面上有D自私，冇理由用民生既政策來做實驗去滿足我既求知慾假下話？

但係想深一層，我地對經濟於民生既影響，對一D好難講 arm 定唔 arm 既 民生問題，有更加多既了解既話，將來決策人制定制策既時候，唔係會梗好咩？(拿我講一般情況炸，你對香港既決策入冇信心你既事啊下 :) )

謝謝
:)