呢幾日有一個場面成日響我心裡面縈繞~~~`

有一日等巴士，我前面有一對中年夫婦，媽媽手抱一個都幾大，應該識講野既仔仔。

個爸爸好似不停同個仔仔講緊一D 點解要著衫既道理，我就一路都唔為意....

直至有一句野突然入左我耳`~~~~

夫(訓示口吻)：唔應該問好去唔去好`~要去就應該去~~~
婦(唔知點解面黑黑)： .....

paul 心裡 ：
哦~~原來個媽媽排排下隊想去廁所，佢老公就叫佢唔好理有冇車，應去就得去~~~~
咁個老公都幾體貼丫，老婆有需要解手，老公叫佢唔好理咁多要去就去~~
雖然同老婆講野語氣好以教仔咁，但都不失明理丫 ....可能老婆急得滯，面黑黑掛？


跟住我又唔為意~~一會再留意，見個老公抱住個仔，唔見在個太太~~ 應該去左方便掛？

我又留意到個爸爸，原來一路不停向度對住個仔講野：

夫(喋喋不休)：係 law ~~ 媽媽去左廁所，我地可能搭唔到呢班車勒 ...
仔：....
夫(喋喋不休)：係 law ~~ 求先向裡面叫佢去又唔去，而家我地搭唔到呢班車架勒`~~
仔：....
夫(喋喋不休)：都叫左佢架啦，求先又唔去~~~ 一陣車就來架勒~~我地搭唔到架勒~~~
仔：....
夫(喋喋不休)：唉，車就來勒~~~

如事者，呢個老公喋喋不休咁，係咁不停同個仔埋怨呢件事`~~~

又如事者，等左幾分鐘，我地等果架車終於見到來緊勒`~

夫(興奮地)：啊`~好喔車到勒`~~我地上唔到呢班車勒~~~有排等勒`~~


paul 心裡 ：
我估個老婆呢世都會比個老公埋怨等唔到呢班車...

paul 上車後，同呢幾日心想：
1. 好彩唔係同呢個喋喋不休煩到爆小男人上埋一架車，唔係實想訓一陣都唔得，同埋會心火盛
2. 你唔想等，就未咁大方同老婆講應去則去，人地去左又向個細路面前不停埋怨丫
3. 咁叻識得話個老婆，自已好把炮啦！！！~~~ 咁把炮買架車，請個司機，成家大細座車去行街啦`~ 買唔起車，唔緊要，人既高下唔係講呢D物質野既，不過就唔好老婆行街想去廁所，都要比你講到口都臭 law。
4. 無論係男係女~~咁小家都唔係好睇既事`~~ 堂堂男人，堂堂入類~~無能力即顧家入，仲向度支支左左~~~影衰曬我地D男人，影衰曬我地D人類。
5. 我只係事前立左個太太一眼~~~ 佢果個面口`~~ 唉，我真係覺得一生一世要對住D咁冇情趣，咁少家既男人`~真係深淵`~
6. 個細路，向咁樣既身教下長大`~~~ 唉`~~又係深淵`~ 好彩我老豆唔係咁養大我既 jack ~~~
7. 呢D粉腸，一定係向出面番工，冇料到，日日比老細小，又冇乜值得自豪既野，一生只能夠響老婆仔女面對，捉佢地D細眉細眼錯處來顯示自已既威嚴，來建立自信。


今日情人節，
小弟祝大家向愛侶身上只問自已附出既愛，唔係掛住響愛侶同家人身上羅威羅著數~~~

亦祝福佢地一家人可以和諧生活~~
祝個老公擦多D牙，多做野對家人好，少D講野`~~
祝阿仔仔心智健康地長大，

咁祝太太乜野呢？

假如佢老公同仔仔有我講咁好既一日，太太就已經掂曬啦~~~


早 10 年 8 載，我真係會當場 小小 小男人~~~